តើ eSATA គឺជាអ្វី ?
SATA
ចាប់ផ្ដើមដំបូងត្រូវបានគេបង្កើតឡើងជាបច្ចេកវិទ្យាសម្រាប់ប្រើ
តែនៅខាងក្នុងម៉ាស៊ីនកុំព្យូទ័រប៉ុណ្ណោះ
ដោយផ្ដល់នូវកម្រិតដំណើរការលឿន និងមានលក្ខណពិសេសច្រើន
សម្រាប់ការចម្លងទិន្នន័យដោយមានល្បឿនជាង USB ដល់ទៅបីដង ។
បន្ទាប់មកអ្នកស្ថាបនិកវ័យឆ្លាតបានរកឃើញការបង្កើតថ្មីដែលអាច
អាចអោយបច្ចេកវិទ្យា SATA នេះប្រើនៅខាងក្រៅកុំព្យូទ័របាន
ដោយបាននាំនូវកម្រិតដំណើរការ និង
លក្ខណពិសេសដូចគ្នាសម្រាប់ឧបករណ៍ផ្ទុកទិន្នន័យនៅខាងក្រៅជំនួស
អោយការប្រើប្រាស់ USB ឬ ប្រភេទតភ្ជាប់ផ្សេងទៀត ។
បច្ចេកវិទ្យាដែលត្រូវបានគេបង្កើតថ្មីនោះត្រូវបានគេហៅថា
eSATA ( External Serial Advanced Technology
Attachment)ដែលអាចអោយគេប្រើប្រាស់ខ្សែបន្ថែមដែលមានប្រវែងរហូត
ដល់ទៅ ២ ម៉ែត្រ
នៅខាងក្រៅម៉ាស៊ីនកុំព្យូទ័រដើម្បីទាញដើម្បីប្រើប្រាស់ជាមួយខ្សែ
SATA សម្រាប់ឧបករណ៍ផ្ទុកទិន្នន័យខាងក្រៅ ។ ហើយពេលនោះ SATA
ត្រូវបានគេប្រើនៅខាងក្រៅ ដោយមានជាលក្ខណពិសេសនៃខ្សែ
ប្រដាប់តភ្ជាប់ តម្រូវការចរន្ត
ត្រូវបានគេដាក់ចេញជាស្ដង់ដារខ្សែ ថ្មីក្នុងឆ្នាំ 2004 ។ eSATA
ផ្ដល់នូវកម្រិតដំណើរការលឿនជាងប្រភេទថាសរឹងខាងក្រៅផ្សេងៗហើយ
ប្រើដក ឬ ដោតភ្ជាប់បានភ្លាមៗ ។
អនុភាពនៃការប្រើប្រាស់បច្ចេកវិទ្យា eSATA
ជាមួយនឹងការបង្ហាញ eSATA
ជាលើកដំបូងដែលជាដំណោះស្រាយសម្រាប់ការផ្ទុកទិន្នន័យនៅផ្នែកខាង
ក្រៅ
ហើយក្នុងពេលនោះដៃគូរប្រកួតប្រជែងផ្ទាល់សម្រាប់ឧបករណ៍ផ្ទុក
ទិន្នន័យខាងក្រៅមានដូចជា firewire 1394 និង USB 2.0 ។ eSATA
ជាទម្រង់ទាន់សម័យមួយនៃការតភ្ជាប់ថាសរឹងដែលត្រូវបានគេបង្កើត
ឡើងសម្រាប់ប្រើជាមួយកុំព្យូទ័រទំនើបៗ ។
ម្យ៉ាងវិញទៀតអ្នកនឹងចាប់ផ្ដើមឃើញមានកុំព្យូទ័រយួរដៃថ្មីៗជា
ច្រើនបានបញ្ចូលរន្ធ eSATA
ដើម្បីអាចតភ្ជាប់ដោយផ្ទាល់ទៅកាន់ថាសរឹង eSATA
សម្រាប់ការប្រើប្រាស់បន្ទាន់
ចំណែកឯម៉ាស៊ីនចាស់ៗមិនបានបញ្ចូលឡើយ ។ រន្ធ eSATA
គឺជាជម្រើសគួរទទួលយកបានផ្សេងពីឧបករណ៍ដែលប្រើរន្ធ USB
ហើយអាចមានល្បឿនលឿនជាងស្ទើរតែបីដងនៃ USB 2.0 ។
អ្នកអាចចម្លងឯកសារធំៗដែលមានទំហំដល់ទៅ 3GB តាម eSATA
ដោយចំនាយពេលតិចបំផុតប្រហែល 1 នាទី 6 វិនាទី
ហើយវាមានសារប្រយោជន៍សម្រាប់តម្រូវការបញ្ជូនឯកសារធំ ៗ ឬ
ឯកសារចំនួនច្រើនមានទំហំធំក្នុងពេលតែមួយ
ជាហេតុធ្វើអោយមានភាពងាយស្រួលសម្រាប់ធ្វើការចម្លងឯកសារពី
កុំព្យូទ័រ ឬ ថែមទាំងចម្លងកុំព្យូទ័រទាំងមូលក៏បាន ។
គុណវិបត្តិ និង គុណសម្បត្តិនៃការប្រើប្រាស់ eSATA
eSATA មានអត្ថប្រយោជន៍លើសពីខ្សែ Parallel (
ខ្សែតភ្ជាប់ម៉ាស៊ីនព្រីនជាដើម )
ដោយសារវាមានប្រតិបត្តិការគួរទុកចិត្តជាងហើយមានភាពងាយស្រួល
ក្នុងការបញ្ចូល ឬ ដកឧបករណ៍ចេញនៅពេលដែលដំណើរការក៏បាន ( hot
swapping) ។ លើសពីនេះទៅទៀតខ្សែរបស់វាមានទំហំតូច
ហើយអត្ថប្រយោជន៍ដសំខាន់បំផុតនៃការប្រើប្រាស់បច្ចេកវិទ្យានេះ
ដោយអាចបញ្ជូនទិន្នន័យបានលឿនជាង USB និង Firewire ប្រហែលបីដង ។
ខុសពីបច្ចេកវិទ្យាផ្សេងៗទៀត eSATA
មិនចាំបាច់បកប្រែទិន្នន័យរវាងកុំព្យូទ័រ
និងប្រភេទខ្សែរបស់វាឡើយ គឺគ្រាន់តែភ្ជាប់ និង
ចម្លងចេញពីកុំព្យូទ័រទៅកាន់ ឧបករណ៍ខាងក្រៅដែលប្រើ eSATA ឬ ពី
eSATA ទៅកាន់ម៉ាស៊ីនកុំព្យូទ័រតែប៉ុណ្ណោះ
ដើម្បីជួយដល់ម៉ាស៊ីនកុំព្យូទ័រអាចសន្សំធនធានប្រើប្រាស់នៅលើ CPU
ហើយថែមទាំងផ្ដល់អោយអ្នកប្រើប្រាស់នូវការបញ្ជូនទិន្នន័យបានលឿន
។ ក្នុងចំណោមគុណសម្បត្តិដ៏ច្រើន eSATA នូវមានគុណវិបត្តិមួយ
ដោយហេតុផលសំខាន់គឺថាការតភ្ចាប់តាម eSATA
មិនអាចផ្ដល់ថាមពលទៅអោយឧបករណ៍ខាងក្រៅបានដូច USB ឬ Firewire ឡើយ ។
ដូចនេះឧបករណ៍ខាងក្រៅដែលតភ្ជាប់តាម eSATA
ត្រូវការខ្សែផ្ដល់ថាមពលបន្ថែម
ដែលធ្វើអោយវាមិនអាចបង្កើតជាថាសរឹងតូចៗសម្រាប់ផ្ទុកទិន្នន័យ
ដូច USB Flash ឡើយ ។ ប៉ុន្តែសម្រាប់ ឧបករណ៍ CD/DVD ឬ DVD ខាងក្រៅ
តែងតែមាន Power Supply
ជាចាំបាច់ដោយមិនខ្វល់ពីការតភ្ជាប់របៀបណាជាមួយកុំព្យូទ័រឡើយ ។
ដូច្នេះ eSATA សមស្របសម្រាប់ការបញ្ចូនទិន្នន័យដែលមានទំហំធំ
ដូចជាប្រតិបត្តិការ Backup/restore នូវឯកសារច្រើន ជាដើម ។
អ្នកអាចប្រើខ្សែដែលមានប្រវែងដល់ទៅជិតពីរម៉ែត្រតភ្ចាប់ជាមួយ
eSATA ហើយនៅពេលដែលទិញខ្សែ eSATA
មួយត្រូវប្រយ័ត្នថាវាមិនមានទំហំខុសពីខ្សែ SATA ខាងក្នុង
ហើយកន្លែងដោតខ្សែ SATA ខាងក្នុងនឹងមិនត្រូវរន្ធជាមួយរន្ធ eSATA
នៅលើកុំព្យូទ័រឬ ថាសរឹងខាងក្រៅរបស់អ្នក ។
តម្រូវការសម្រាប់ប្រើប្រាស់ eSATA
ប្រដាប់តភ្ជាប់ eSATA
គឺត្រូវការសម្រាប់ការប្រើប្រាស់ដាច់ដោយឡែកដើម្បីតភ្ជាប់ប្រើ
ថាសរឹង eSATA ខាងក្រៅ ។ ហើយអ្វីដែលអ្នកត្រូវការដើម្បីអាចប្រើ
eSATA គឺកុំព្យូទ័រមួយប្រើជាមួយគ្នាបានដែលមាន Motherboard
បានបញ្ចូលរន្ធ eSATA មកជាមួយ ឬ កុំព្យូទ័រ ដែលមាន PCI Slot
ទំនេរសម្រាប់ដោតកាត eSATA ដែលអាចអោយអ្នកតភ្ជាប់ថត eSATA
តាមរយៈខ្សែ eSATA ។ បែបនេះ
មិនមែនជាជម្រើសទូទៅសម្រាប់អ្នកប្រើប្រាស់កុំព្យូទ័រយួរដៃ
ដោយសារតែមិនមែនថតបន្ថែមសម្រាប់ PCI
ដែលអាចអោយអ្នកតភ្ជាប់ជាមួយ eSATA នៅលើកុំព្យូទ័រធម្មតា ។
ម្យ៉ាងវិញទៀតនៅមានឧបករណ៍បម្លែងជាច្រើនផ្សេងៗអាចប្រើជាមួយ
eSATA ដែលអាចអោយអ្នកតភ្ជាប់ខ្សែ eSATA
ទៅកាន់ឧបករណ៍តូចៗដែលអាចតភ្ជាប់តាមរយៈ USB 2.0 ដែលមានល្បឿន 32
Mbps ក្នុងមួយវិនាទី ។
Subscribe to:
Post Comments (Atom)
No comments:
Post a Comment