សករាជ សតវត្ស ទសវត្ស
ក្នុងអត្ដបទប្រវត្តិវិទ្យា គេតែងជួបប្រទះពាក្យសករាជ សតវត្ស និង ទសវត្ស។ ដូចនេះ ដើម្បី
ងាយស្រូយក្នុងការរៀនប្រវត្តិវិទ្យា គេគប្បីយល់ច្បាស់លាស់នូវនៃពាក្យទាំងនេះជាមុនសិន។
សករាជ សករាជមានពាក្យ ស័កះ និង រាជ ។ ស័កះមានន័យថា កាលសម័យ ការរាប់លំដាប់ឆ្នាំ ។
រាជមានន័យថា ស្តេច ឬអច្ឆរិយបុគ្កល។ សករាជមានន័យថាការរាប់ថ្ងៃ ខែ ឆ្នាំ ឬយកត្រឹមតែឆ្នាំរៀងមក ពីថ្ងៃ ឬខែ ឬឆ្នាំ ដែលបុគ្គលអស្ចារ្យ ឬហេតុអស្ចារ្យណា
មូយដែលជនានុជនបានកត់ត្រាទុក។
នៅក្នុងកំរងអត្តបទប្រវត្តិវិទ្យាប្រទេសកម្ពុជា គេឃើញមានពាក្យពុទ្ធសករាជ នឹងគ្រឹស្តសករាជ។
ក. ពុទ្ធសករាជ (ព .ស)
គឺជាការរាប់ឆ្នាំរៀងពឹឆ្នាំដែលព្រះពុទ្ធទ្រង់ចូលនិពា្វន។
ឧទាហរណ៍ៈ ព្រះសក្យមុនីចេតីយដែលស្ដិតនៅមុខស្ថានីយរថភ្លើងក្រុងភ្នំពេញ
បានសាងឡើងក្នុង ព.ស ២៥០០។
ខ គ្រឹស្គសករាជ(គ.ស)
គឺជាការរាប់ឆ្នាំរៀងពីឆ្នាំកំនើតរបស់ព្រះយេស៊ូគ្រឹស្ត ។
ឧទាហរណ៍ៈ ប្រាសាទអង្គវត្តបានកសាងឡើងក្នុង គ.ស ១១ ១២ ។
សតវត្ស
សតវត្ស គឺរយៈពេល ១០០ឆ្នាំ ។ របៀបប្រើសតវត្ស មានដូចតទៅ៖
-ពីឆ្នាំទី ០១ ដល់ឆ្នាំទី១០០ នៃ គ. ស គេថាសតវត្សទី១ នៃគ.ស
-ពីឆ្នាំទី ១០១ ដល់ឆ្នាំទី២០០ នៃ គ. ស គេថាសតវត្សទី២នៃគ.ស។
ទសវត្ស
ទសវត្សគឺជារយះពេល១០ឆ្នាំ ។ គេប្រើទសវត្សដើម្បីកំនត់ប្រឹត្តិការណ៍អ្វី
មួយដែលមានរយៈពេលខ្លីជាងទសវត្ស។
ឧទាហរណ៍ៈ ក្នុងទសវត្សឆ្នាំ៧០( គិតពីឆ្នាំ១៩៧០ ដល់ ១៩៧៩)
ប្រជាជនកម្ពុជាមានការរងទុកវេទនា ជាបំផុត ។
No comments:
Post a Comment