វាប្រហែលជាមានរយៈពេលយូរទៀតសម្រាប់ការបញ្ចេញនូវ Windows 8 ដែលមានលក្ខណៈពេញលេញសម្រាប់ការដាក់លក់នៅលើទីផ្សារ។ ប៉ុន្តែនៅពេលនេះក្រុមហ៊ុន Microsoft បានចេញនូវ Windows 8 Developer Preview ដើម្បីឱ្យអ្នកធ្វើការប្រើប្រាស់សាកល្បងផងដែរ។ អ្វីដែលអ្នកគួរកត់សំគាល់ក្នុងការយក Windows 8 មកប្រើប្រាស់នោះគឺការប្រើសាកល្បងជាមួយនិងលក្ខណៈសំខាន់ៗ (New Feature) របស់ Windows នេះដែលគេបានដាក់បញ្ចូលទៅឱ្យលោកអ្នកប្រើប្រាស់។ ចំពោះអ្នកដែលធ្វើការប្រើប្រាស់ Windows 8 នេះប្រាកដជាយល់ថាវាត្រូវបានគេរចនាតម្រូវជាមួយនិងឧបករណ៍ដែលអាចធ្វើការចុចលើអេក្រង់បាន(Touch Screen) តែមិនមែនមានន័យថាវាមិនអាចធ្វើការជាមួយនិងកុំព្យូទ័រធម្មតាបាននោះទេ។ គ្រាន់តែការប្រើនៅលើឧបករណ៍Touch Screen វាមានការប្រើប្រាស់គួរឱ្យចាប់អារម្មណ៍ច្រើនជាងការប្រើប្រាស់នៅលើកុំព្យូទ័រដែលគ្មាន Touch Screen តែប៉ុណ្ណោះ។ ខាងក្រោមជាការបង្ហាញនូវចំណុចប្លែកៗដែលមាននៅក្នុង Windows 8 Developer Preview៖
-
ការបង្ហាញ Home Screen ជាលក្ខណៈ Metro
ការបង្ហាញនូវ Screen ជំនាន់ថ្មីរបស់វាមានលក្ខណៈជា Metro Home Screen ដែលវាបានធ្វើការបង្ហាញបន្ទាប់ពី Log onចូលទៅកាន់កុំព្យូទ័ររបស់អ្នក។ អ្នកអាចប្រើការ Touch Screen ដើម្បីធ្វើការទាញនូវផ្ទាំងកម្មវិធីទាំងអស់ដែលស្ថិតនៅលើនោះបានឬអ្នកអាចប្រើ Mouse សម្រាប់ Scroll វាដូចគ្នា។នៅពេលដែលអ្នកធ្វើការចុចទៅលើកម្មវិធីណាមួយនោះវា និងចូលទៅកម្មវិធីនោះភ្លាម ហើយប្រសិនបើអ្នកចង់ចាកចេញមកផ្ទាំង Metro Screen វិញអ្នកត្រូវចុច Windows Key នោះវានិងធ្វើការត្រលប់ថយមកវិញហើយ។
-
ពិនិត្យមើលអាកាសធាតុនៅក្នុងWindows 8
នៅក្នុងបណ្ដុំកម្មវិធីរបស់ Metro apps ភាគ ច្រើនយើងអាចយកមកធ្វើការកែប្រែបាននិងអាចធ្វើការផ្លាស់ប្ដូរ ទីតាំងរបស់ពួកវាបានយ៉ាងងាយ។នៅក្នុងនោះផងដែរ Windows 8 បាន ធ្វើការដាក់បញ្ចូលនូវកម្មវិធីសម្រាប់ធ្វើការមើលនូវព័ត៌មានដែល ទាក់ទងនិងអាកាសធាតុប្រចាំតំបន់ដែលជាការងាយស្រួលសម្រាប់លោក អ្នកពិនិត្យមើលនូវធាតុអាកាសប្រចាំថ្ងៃ ប៉ុន្តែការប្រើប្រាស់នូវកម្មវិធីនេះវាត្រូវការ Internet ដើម្បី ទាញយកទិន្នន័យយកមកធ្វើបង្ហាញ។ចំពោះការបង្ហាញនូវព័ត៌មានមុន ដំបូងនោះវាមិនបានបង្ហាញព័ត៌មានរបស់តំបន់អ្នករស់នៅនោះទេ ដើម្បីធ្វើការបង្ហាញនូវព័ត៌មានដែលអ្នកចង់បានអ្នកត្រូវ right-click រួចចុចពាក្យ Add City ហើយវាយឈ្មោះរបស់តំបន់អ្នករស់នៅនោះវានិងធ្វើការបង្ហាញព័ត៌មានតំបន់ដែលអ្នកចង់បានហើយ។
- មើលកម្មវិធីដែលមាននៅក្នុងកុំព្យូទ័រ
ការបង្ហាញផ្ទាំង Start menu នៅលើ Windows 8 នោះ វាមិនត្រូវបានបង្ហាញនោះទេ មានន័យថាការបង្ហាញកម្មវិធីទាំងត្រូវបានដាក់បង្ហាញនៅកន្លែង ផ្សេង។ដូច្នោះលោកអ្នកប្រាកដជាពិបាកក្នុងការរកនូវកម្មវិធីដែល អ្នកបានដាក់បញ្ចូល (Install ) បន្ថែម ដើម្បីធ្វើការបង្ហាញរាល់កម្មវិធីទាំងនោះអ្នកត្រូវចុច Windows key + F ហើយចុចលើពាក្យ Apps វានិងធ្វើការបង្ហាញរាល់កម្មវិធីជាលក្ខណៈចែកជាផ្នែកតាមឈ្មោះរបស់កម្មវិធីនិមួយៗ។
- បន្ថែមកម្មវិធីដែលអាចដំណើរការម៉ាស៊ីនក្លែងក្លាយនៅក្នុងWindows 8
ចំពោះ Windows 8 វាមានការដាក់បញ្ចូលបន្ថែមជាមួយនឹង Services ថ្មីៗជាច្រើនដែលមិនទាន់ធ្វើដំណើរការនៅ ក្នុងនោះ។ ការភ្ជាប់មកជាមួយនិង Service Hyper-V ដែលជា Service មួយថ្មីដែលអាចឱ្យអ្នកបង្កើតឬក៏ដំណើរការទៅលើម៉ាស៊ីនក្លែងក្លាយ (virtual machines) បាន។ដើម្បីដំណើរការនូវ Service នេះបានយើងត្រូវចូលទៅកាន់ផ្ទាំងកម្មវិធីរួចវាយពាក្យ OptionalFeatures.exe នៅកន្លែងប្រអប់ Search រួចធីកយកពាក្យ Hyper-V បន្ទាប់មកចុច OK ដើម្បីធ្វើឱ្យដំណើរការនូវService នោះដើរបាន ។បន្ទាប់មកអ្នកត្រូវចូលទៅកាន់ផ្ទាំង Metro រួចស្វែងរកនូវកម្មវិធីដែលមានឈ្មោះថា Hyper-V Manager រួចចុចចូលទៅប្រើវាជាការស្រេច។
-
ការដំណើរការរបស់ Anti-Malware
នៅក្នុង Windows 8 ពេលវាចាប់ផ្ដើមដំណើរការម្ដងៗវាបានធ្វើការស្វែងរកនូវ Drivers ណាដែលត្រូវធ្វើដំណើរការមុន គេ។ ប៉ុន្តែពេលខ្លះ Drivers មួយ ចំនួនវាមិនត្រូវបានរកឃើញនោះទេដូច្នោះវានិងមិនមានដំណើរការ នៅពេលម៉ាស៊ីនអ្នកចាប់ផ្ដើមឡើយ។ ប៉ុន្តែពេលខ្លះមាន Drivers មួយចំនួនដែល Windows ធ្វើការចាប់យកមកដំណើរការនោះអ្នកមិនត្រូវការប្រើវាទេ ហើយអ្នកចង់បិទនូវ Drivers នោះចោលទៀត។ខាងក្រោមជារបៀបចូលទៅបិទ Drivers Start up ទាំងនោះ៖
មុនដំបូងអ្នកចូលទៅកន្លែងផ្ទុកកម្មវិធីរួចវាយពាក្យ GPEDIT.MSC នៅក្នុងប្រអប់ Search ហើយចុចវារួចរកពាក្យ Computer Configuration > Administrative Templates > System > Early Launch Anti-Malware រួចផ្ទួនគ្នាពីរដង (double-click)នៅលើ File Boot-Start Driver Initialization Policy បន្ទាប់មកជ្រើសរើសយក option ណាមួយដែលអ្នកចង់បាន។
- មុខងារថ្មីបន្ថែមទៅលើការCopy
លក្ខណៈពិសេសនៅក្នុងពេល Copy របស់ Windows 8 វាបានធ្វើឱ្យអ្នកមានការប្លែកអារម្មណ៍ម្យ៉ាងដែរ ដោយការបញ្ជូនទិន្នន័យទាំងអស់នៅលើនោះអ្នកអាចធ្វើការផ្អាក ដំណើរការបានហើយក៏អាចបន្តដំណើរការទៀតក៏បាន។ការធ្វើដូចនេះវា អាចជួយលោកអ្នកនៅពេលដែលមានការដំណើរការច្រើននៅក្នុងកុំព្យូទ័រ របស់អ្នកហើយម៉ាស៊ីនអ្នកមិនមាន Memory គ្រប់គ្រាន់សម្រាប់ធ្វើដំណើរការអ្នកអាចផ្អាកដំណើរការនៃការ Copy សិនក៏បានដែរដើម្បីជួយសម្រួលដល់ Memory របស់អ្នក។
- Metro Internet Explorerមុខងារដូចគ្នាជាមួយIE
ការប្រើប្រាស់ Internet នៅលើ Internet Explorer(IE) ធម្មតាវាមាន Interface មិនសូវជាទាក់ទាញប៉ុន្មាននោះទេ។ តែក្នុងWindows 8 វាបានដាក់ការប្រើប្រាស់សម្រាប់បើកគេហទំព័រនៅលើ Internet មានពីរបៀបឯណោះគឺការប្រើតាមរយៈ Internet Explorer ធម្មតានិងការប្រើតាមរយៈ Internet Explorer Metro ដែលការប្រើតាមរយៈ Internet Explorer Metroវាមានរូបរាងស្រស់ស្អាតជាង Internet Explorer ធម្មតា។តែប្រសិនបើអ្នកចង់ប្រើនូវ style ចាស់របស់IE នោះក៏បានដែរ អ្នកត្រូវចូលទៅកាន់ Desktop ហើយបើកIEក្នុងនោះទៅវាជាការស្រេច។
-
កន្លែងគ្រប់គ្រងក្នុងWindows 8
ការរចនាយ៉ាងស្រស់ស្អាតចំពោះ Control Panel នៅក្នុង Windows 8 ពិតជាមានភាពទាក់ទាញចំពោះអ្នកប្រើប្រាស់យ៉ាងខ្លាំងផងដែរ។ Metro Control Panelជាកន្លែងមួយដែលអាចឱ្យអ្នកធ្វើការគ្រប់គ្រងទៅលើការកែប្រែផ្សេងៗនៅលើWindows។ ឧទាហរណ៍អ្នកអាចធ្វើការគ្រប់គ្រងដូចជាPersonalizeដែលជាកន្លែងសម្រាប់ធ្វើការផ្លាស់ប្ដូររូបភាពនៅលើLog Screen និងអាចធ្វើការគ្រប់គ្រង់ទៅលើUserដែលអ្នកអាចធ្វើការបង្កើតបន្ថែមនូវUserផ្លាស់ ប្ដូរលេខកូដសម្ងាត់ជាដើម។ហើយនៅក្នុងនោះនូវមានគន្លឹះជាច្រើន សម្រាប់អ្នកធ្វើការគ្រប់គ្រងផ្សេងៗទៀតផងដែរ។
-
ការប្រើWindows key shortcutsក្នុងWindows 8
ថ្វីត្បិតតែនៅលើ Windows 8 មានការបង្ហាញផ្ទាំងកម្មវិធីដែលរចនាឡើងសម្រាប់ដំណើរការជាមួយនិងឧបករណ៍touch screensក៏ដោយ ប៉ុន្តែវាក៏អាចស្គាល់ជាមួយនិង Windows key shortcuts មួយចំនួនដដែល។ Windows key shortcutsទាំងនោះមានដូចជា៖
Win + C : ប្រើសម្រាប់បង្ហាញនូវផ្ទាំងកន្លែងStart MenuដែលមានSettings, Devices, Share និង Search optionsជាដើម។
Win + D : ប្រើសម្រាប់បង្ហាញផ្ទៃតុ(Desktop)។
Win + E : ប្រើសម្រាប់បង្ហាញផ្ទាំងExplorer។
Win + F : ប្រើសម្រាប់បង្ហាញផ្ទាំងSearch។
Win + I : ប្រើសម្រាប់បង្ហាញផ្ទាំងOpens Settings។
Win + L : ប្រើសម្រាប់ចាក់សោ PCរបស់អ្នក។
Win + P : ប្រើសម្រាប់ធ្វើការផ្លាស់ប្ដូរការបង្ហាញនៅលើMonitorទៅឱ្យMonitorផ្សេងទៀតឬក៏Projector។
Win + R : ប្រើសម្រាប់បង្ហាញផ្ទាំងRun Search ។
Win + U : ប្រើសម្រាប់បង្ហាញផ្ទាំងEase of Access Centre។
Win + W : ប្រើសម្រាប់បង្ហាញផ្ទាំងsearch នៅក្នុង system settings។
Win + Z : ប្រើសម្រាប់ជំនួសright-click ដើម្បីបង្ហាញផ្ទាំងdisplaysពេលស្ថិតនៅលើផ្ទាំងMetro appណាមួយ។
Win + + : ប្រើសម្រាប់ពង្រីក(zoom in)នៅក្នុងកុំព្យូទ័រ។
Win + Tab : ប្រើសម្រាប់ធ្វើការផ្លាស់ប្ដូរការប្រើប្រាស់កម្មវិធីពីកម្មវិធីមួយទៅកម្មវិធីមួយផ្សេងទៀត។
- របៀបបិទដំណើរការម៉ាស៊ីន
ដោយឡែកការប្រើ Windows 8 វាមានលក្ខណៈខុសប្លែកគ្នាច្រើនទៅលើ Windows 7 ដែលសូម្បីតែកន្លែងបិទម៉ាស៊ីនក៏ដោយ។ នៅក្នុងនេះដែរដើម្បីបិទម៉ាស៊ីននៅក្នុង Windows 8 វាមានច្រើនវិធីសាស្ត្រសម្រាប់បិទ ដូច្នេះការបិទ System នៅលើ Metro Screen អ្នកត្រូវចូលទៅកាន់ផ្ទាំងកម្មវិធី Metro ហើយហៅផ្ទាំង Settings រួចចុចយកពាក្យ Settings រួចចុចរូបតំណាង Power បន្ទាប់មកចុច Shut Down។ ចំណែកវិធីទីពីវិញចូលទៅកាន់ផ្ទាំង Desktop រួចចុចប៊ូតុង Alt+F4 ហើយជ្រើសរើស Shut Down, Restart, Switch User ឬ Log Off option ណាមួយដែលអ្នកចង់ប្រើ។
ចំណាំ៖រាល់ការបង្ហាញលក្ខណៈខាងលើនេះមាននៅក្នុង Windows 8 Developer Preview។
No comments:
Post a Comment